news-details
کراچی

دودھ کی قیمتوں میں 40 سے 45 روپے فی کلو اضافے کا امکان

کراچی:(پیر: 18 اکتوبر 2021) صدرڈیری اینڈ کیٹل فارمرز شاکرعمرگجر نے دودھ کی قیمتوں میں اضافے کا عندیہ دیتے ہوئے کہا پورے ملک میں دودھ کی قیمت 40سے 45 روپے بڑھنے جارہی ہے۔ تفصیلات کے مطابق صدرڈیری اینڈکیٹل فارمرز شاکرعمرگجر نے کہاکہ وفاقی حکومت ہماری ضروریات کی 45فیصداجناس برآمدکردیتی ہے، مویشیوں کے لیے جوچارہ اگایا جاتا ہے وہ برآمد کردیتے ہیں۔
40 سے 45 روپے کا اضافے، مہنگائی سے ستائے عوام کیلئے ایک اور بری خبر دودھ کی قیمتوں میں 40 سے 45 روپے فی کلو اضافے کا امکان
شاکرعمرگجر کا کہنا تھا کہ مرحلہ واردودھ کی قیمتوں میں اضافہ ملک بھرمیں کریں گے، پہلے مرحلےمیں سندھ میں اور دوسرےمرحلےمیں لاہور میں دودھ کی قیمتیں بڑھائی جائیں گی۔
صدرڈیری اینڈکیٹل فارمرز نے کہا پورے ملک میں دودھ کی قیمت 40سے45روپےبڑھنےجارہی ہے ، حکومت چاہےتودودھ کی قیمتیں کم بھی ہوسکتی ہیں، اس لے لئے وفاقی حکومت کو گزشتہ حکومت کی غلط پالیسیوں کوختم کرنا ہوگا۔
ان کا کہنا تھا کہ کراچی میں چارہ پیدانہیں ہوتایہ اندرون سندھ اورپنجاب سےلایاجاتاہے ، پیٹرول کی قیمتیں بڑھیں تونہیں کہاعمران خان قیمتیں کریں ، 70سال میں دودھ کی پیداوار میں اضافےکےلیےمربوط کوشش نہیں ہوئیں۔