news-details
راولپنڈی

راولپنڈی ٹیسٹ: پاکستان کی آسٹریلیا کیخلاف دوسری اننگز میں بیٹنگ جاری

راولپنڈی:(منگل 08 مارچ 2022ع) راولپنڈی ٹیسٹ میں پاکستان کی آسٹریلیا کیخلاف دوسری اننگز میں بیٹنگ جاری ہے۔ پہلی اننگز میں آسٹریلیا کی ساری ٹیم 459 رنز بنا کر پویلین لوٹ گئی۔ راولپنڈی ٹیسٹ کی دوسری اننگز میں شاہین اوپنرز عبداللہ شفیق اور امام الحق کریز موجود ہیں، انہوں نے 23 اوورز کے اختتام تک 76 رنز بنائے ہیں۔
قبل ازیں آج کھیل شروع ہونے پر آسٹریلیا نے سات وکٹوں کے نقصان پر 449 رنز سے اننگز کا آغاز کیا، پیٹ کمنز کو محض 8 رنز پر نعمان علی نے شکار کیا۔ ناتھن لیون کو بھی نعمان علی نے پویلین کی راہ دکھائی، وہ صرف 3 رنز بنا سکے۔ یوں ساری مہمان ٹیم 459 کے مجموعے پر آوٹ ہو گئی۔ پاکستان کو پہلی اننگز میں 17 رنز کی برتری حاصل ہو گئی ہے۔
شاہین باولر نعمان علی نے شاندار کارکردگی کا مظاہرہ کرتے ہوئے 6 وکٹیں حاصل کیں، شاہین شاہ آفریدی نے 2 جبکہ نسیم شاہ اور ساجد خان نے ایک ، ایک وکٹ حاصل کی۔ آسٹریلوی بلے باز عثمان خواجہ 97، مارنس لبوشین 90 ، سٹیو سمتھ 78 رنز بنا نمایاں رہے۔ واضح رہے کہ پاکستان نے اپنی پہلی اننگز 476 رنز بنا کر ڈکلیئر کر دی تھی۔