news-details
کراچی

خیبر پختونخوا کے گورنر شاہ فرمان مستعفی، عمران اسماعیل کا عہدہ چھوڑنے کا اعلان

کراچی:(پير 11 اپريل 2022ع) خیبر پختونخوا کے گورنر شاہ فرمان مستعفی ہوگئے ہیں جبکہ سندھ کے گورنر عمران اسماعیل نے عہدہ چھوڑنے کا اعلان کر دیا ہے۔ گورنرسندھ عمران اسماعیل کا کہنا تھا جیسے ہی شہبازشریف وزیراعظم کے عہدے کا حلف اٹھائیں گے استعفیٰ دیدیں گے۔
ان کا کہنا تھا کہ سامان کی پیکنگ شروع کر دی، ایک دو دن میں گورنر ہاؤس سے شفٹ ہوجائیں گے، استعفیٰ لکھ کر رکھ لیا ہے صدر مملکت کو بھیج دونگا۔
ادھر گورنر خیبرپختونخوا شاہ فرمان اپنے عہدے سے مستعفی ہو گئے ہیں، انہوں نے اپنے استعفے پر دستخط کر دیئے ہیں اور اپنا استعفیٰ صدر مملکت کو بجھوا دیا ہے۔