بدین : ٹریلر نے سڑک کنارے سوئے ہوئے 3 سیلاب متاثرین بچوں کو کچل ڈالا

• ویب ڈیسک
• 2022-09-02 07:47:32

بدين: (جمعہ: 02 ستمبر 2022) بدين کے علاقے گولارچی ٹريلر نے سڑک کنارے سوئے ہوئے سیلاب متاثرین 3 بچوں کو کچل دیا۔ پولیس کے مطابق سامان سے لدھا ہوا ٹریلر تیز رفتاری سے سڑک سے گزر رہا تھا کہ اسی دوران سڑک کے کنارے سوئے ہوئے سیلاب متاثرین کے بچوں پر چڑھ گیا۔
حادثے میں 3 بچے موقع پر ہی جاں بحق، جب کہ دیگر 6 افراد زخمی ہوگئے۔ لاشوں کو ضروری کارروائی اور زخمیوں کو فوری طبی امداد کیلئے تعلقہ اسپتال گولارچی منتقل کردیا گیا ہے۔
واقعہ کے بعد ورثا کی جانب سے ڈرائیور کی گرفتاری کیلئے احتجاج بھی کیا گیا، جس کے بعد پولیس نے علاقے کی ناکہ بندی کرکے ڈرائیور کو گرفتار کرلیا۔

• ٹیگز